Uzbek Leasing International A.O.: Лизинг бозорининг етакчиси ва иқтисодий тараққиёт катализатори

Бу йил «Uzbek Leasing International A.O." халқаро компанияси ўзининг 30 йиллигини нишонламоқда. Ўзбекистон Республикаси Вазирлар Маҳкамасининг 1995 йил 5 январдаги 6-сонли қарорига мувофиқ ташкил этилган компания мамлакат лизинг секторини шакллантиришда пешқадам бўлди. Ўзбекистон Миллий банкинингташаббуси билан ҳамда Малайзиянинг Maybank банки, Халқаро Молия Корпорацияси (IFC) ва Европа Тикланиш ва Тараққиёт Банки (ЕТТБ) кўмагида ташкил этилган компания кичик ва ўрта бизнесни молиялаштиришда янги даврни бошлаб берди.

2012 йилда янги стратегик акциядор UzOman Capital, IFC ва ЕТТБ улушларини сотиб олиб, компаниянинг бозордаги мавқеини мустаҳкамлади — компания капитали 4 миллиондан бугунги кунда 25 миллион, АҚШ долларигача ўсди, активлари эса 100 миллион, АҚШ долларига етди.

Соҳа пешқадами ва қонунчилик новатори

«Uzbek Leasing International A.O." Ўзбекистонда ташкил этилган биринчи лизинг компанияси бўлиб, у қонунчилик базасини шакллантиришда муҳим рол ўйнади. 1999 йилда бевосита компаниянинг хорижий ва маҳаллий мутахассислари иштирокида биринчи «Лизинг тўғрисида"ги Қонун қабул қилинди. 2002 йилда, ХМКнинг «Ўзбекистондализинг қонунчилигини такомиллаштириш» лойиҳаси доирасида компания мутахассислари соҳадаги амалиётларнинг шаффофлиги ва самарадорлиги учун асос бўлган янги «Лизинг тўғрисида"ги Қонунни ишлаб чиқишга кўмаклашди.
2005 йилда «Uzbek Leasing International A.O." ташаббуси билан ташкил этилган Ўзбекистон Лизинг Уюшмаси бозорнинг 40 та йирик иштирокчисини бирлаштириб, лизинг саноатииштирокчиларининг манфаатларини ҳимоя қилиш, уларнинг илғор амалиётларини жорий этиш ва саъй-ҳаракатларни мувофиқлаштиришни таъминламоқда. Ушбу ташаббуслар туфайли молиявий лизинг банк кредитлашининг ҳақиқий муқобилига айланиб, КЎБ учун янги имкониятлар эшигини очди.

Кенг кўламли ютуқлар ва иқтисодиётга қўшилган ҳисса

Ўтган ўттиз йил давомида «Uzbek Leasing International A.O." савдо, озиқ-овқат саноати, тўқимачилик саноати, тоғ-кон саноати, транспорт, хизмат кўрсатиш соҳаси, қишлоқ хўжалиги, қишлоқ хўжалиги маҳсулотларини қайта ишлаш, хусусий тиббиёт ва қурилиш каби иқтисодиётнинг турли тармоқларида 50 мингдан ортиқ иш ўрни яратилишига ҳисса қўшган ҳолда 3000 дан зиёдкичик ва ўрта бизнес (КЎБ) лойиҳаларини молиялаштирди. Бу фаолият нафақат хусусий бизнеснинг иқтисодий барқарорлигини мустаҳкамлади, балки иқтисодиётнинг асосий тармоқларини модернизация қилишга ҳам ёрдам берди.
2002 йилдан буён давлат кафолати ва акциядорлар кафолатисиз 200 миллион доллардан ортиқ хорижий кредитларни жалб қилиш компания тарихида бурилиш нуқтаси бўлди. Бу маблағлар бутун мамлакат бўйлаб корхоналарнинг ишлаб чиқариш қувватларини модернизация қилиш, замонавий ускуна ва технологияларга йўл очиб берди.

Халқаро ҳамкорлик ва барқарор ривожланиш

«Uzbek Leasing International A.O." ЕТТБ, ХМК, ОТБ, ИКРЧС каби халқаро молия институтлари билан ҳамкорлик қилибгина қолмай, бутун соҳа учун стандартларни белгилаб бермоқда. Бу борадаги фаолият молиялаштиришни жалб қилиш доирасидан чиқиб, қуйидагиларни ўз ичига олди:

• ESG тамойилларини жорий этиш: Компания экологик барқарорлик ва ижтимоий масъулиятга қаратилган лойиҳаларни фаол қўллаб-қувватламоқда.
• Яшил лойиҳаларни молиялаштириш: Атроф-муҳитга таъсирни камайтирадиган ташаббусларни амалга ошириляпти.
• Аёллар тадбиркорлигини қўллаб-қувватлаш: Аёлларнинг бизнесдаги имкониятларини кенгайтирадиган махсус дастурлар ишлаб чиқилмоқда.
• Исломий молиялаштириш воситаларини жорий этиш: Компанияда «Ислом дарчаси"ни яратиш, Муробаҳа ва Ижара каби воситаларни таклиф қилиш КЎБ вакилларининг молиялаштиришга бўлган эҳтиёжини қондириш имконини берди.
• Лизинг жараёнларини автоматлаштириш ва рақамлаштиришни ишлаб чиқиш ҳамда жорий этиш. Компания маслаҳатчиларни жалб қилган ҳолда бутун лизинг жараёнини изчил автоматлаштириш ва рақамлаштиришни жорий этмоқда, шу билан молиялаштиришдан фойдаланиш кириш имкониятини осонлаштириб, инсон омилини истисно қилган ҳолда, таклиф этилаётган хизматларни кенгайтириш имкониятини яратмоқда.