SIEMENS тиббий ускуналари етказиб берувчиси - «TECHNO VIDA» компанияси билан музокаралар бўлиб ўтди
Siemens Healthineers’нинг Ўзбекистондаги расмий ҳамкори – СП ООО «TECHNO VIDA» томонидан музокараларда қуйидагилар иштирок этди:
- жаноб Рашид Сайидов – Бош директор;
- жаноб Навруз Кадиров – Савдо бўлими директори.
«Uzbek Leasing International A.O.» АЖ томонидан Бош директор ўринбосари Юсупов Ботур компаниянинг жорий фаолияти, амалга оширилган лойиҳалар ва келгусидаги ҳамкорлик истиқболлари ҳақида тақдимот ўтказди.
Музокаралар давомида Ўзбекистон Республикасида Siemens Healthineers тиббий ускуналарини лизинг орқали молиялаштириш механизмларини йўлга қўйган ҳолда компаниялар ўртасидаги ҳамкорликни янада кенгайтириш ва мустаҳкамлаш масалалари муҳокама қилинди.
Siemens Healthineers 2015 йилдан буён «Uzbek Leasing International A.O.» компаниясининг ишончли ҳамкори ҳисобланади. Ҳамкорлик даврида «Uzbek Leasing International A.O.» томонидан Ўзбекистон хусусий тиббиёт клиникаларига, Siemens Healthineers тиббий ускуналарини етказиб бериш бўйича умумий қиймати 7 миллион евродан ортиқ бўлган лойиҳалар лизинг асосида молиялаштирилди.
Лойиҳалар Германиянинг AKA Ausfuhrkredit-Gesellschaft m.b.H. банки кредит линияси маблағлари ҳисобига, HERMES Экспорт суғурта агентлиги ва АЖ «КДБ Банк Ўзбекистон» суғурта қопламаси асосида муваффақиятли молиялаштирилди.
Siemens Healthineers ишлаб чиқарган замонавий тиббий ускуналар Тошкент шаҳридаги «AKFA Medline», «Shox Med Center», «SHOXRUH BIZNES PLUS» ва «Big Pharm» хусусий тиббиёт клиникаларига етказиб берилган, ҳозирги кунда улар аҳолига тиббий хизматларнинг кенг шаклларини тақдим этиб келмоқда.
Учрашув якунида томонлар ҳамкорликни янада ривожлантириш ва хусусий тиббиёт клиникаларини Siemens Healthineers компаниясининг замонавий юқори технологияли ускуналари билан жиҳозлаш борасида янги қўшма лойиҳаларни амалга оширишдан ўзаро манфаатдор эканликларини тасдиқладилар.
Siemens Healthineers томонидан ишлаб чиқарилган тиббий ускуналарни харид қилиш бўйича маълумотни қуйидаги телефон рақами орқали олишингиз мумкин:
+99877 282 12 21 (Навруз Кадиров).
https://www.technovida.uz/
Лизинг масалалари бўйича маълумотни қуйидаги телефон рақами орқали олишингиз мумкин:
+99878 120 02 02
Манзил: Тошкент шаҳри, Шайхонтоҳур тумани, Ўқчи кўчаси, 3-уй.
