United Imaging Healthcare (Хитой) компаниясининг Ўзбекистондаги расмий дистрибьютори - «United Team Medical» компанияси билан музокаралар бўлиб ўтди
Учрашув доирасида United Imaging Healthcare компаниясининг юқори технологияли тиббий ускуналарини Ўзбекистон Республикаси бозорида лизинг механизми орқали молиялаштирган ҳолда етказиб бериш бўйича ҳамкорлик истиқболлари муҳокама қилинди.
Ишлаб чиқарувчи – United Imaging Healthcare компанияси томонидан музокараларда қуйидагилар иштирок этди:
- жаноб Аллен Хуан (Mr. Allen Huang) – вице-президент, Россия ва МДҲ давлатлари бўйича бош менежер;
- Лилия Ченг хоним (Ms. Liliya Cheng) – МДҲ давлатлари бўйича минтақавий савдо менежери;
- жаноб Фархат Байембаев – МДҲ давлатлари бўйича бизнес-менежер.
United Imaging Healthcare компаниясининг расмий дистрибьютори – «United Team Medical» компанияси томонидан:
- жаноб Тимур Минибаев – Бош директор;
- жаноб Отабек Юлдашев – Маҳсулот ва савдо бўйича катта мутахассис.
«Uzbek Leasing International A.O.» АЖ Бош директори Зафаржон Мустафаев томонидан компаниянинг жорий фаолияти, амалга оширилган лойиҳалар, молиявий инструментлар ҳамда замонавий тиббий ускуналар етказиб бериш соҳасида ҳамкорликни кенгайтириш имкониятлари борасида тақдимот ўтказилди.
Музокаралар давомида United Imaging Healthcare компаниясининг юқори технологияли тиббий ускуналари – МРТ, КТ, рентгенографик, ангиографик, маммографик ускуналар, радиотерапия тизимлари ва бошқаларни етказиб бериш ҳамда жорий этиш истиқболлари, шунингдек, Ўзбекистон Республикасидаги хусусий тиббий клиникалар учун лойиҳаларни лизинг механизмлари орқали молиялаштириш имкониятлари муҳокама қилинди.
United Imaging Healthcare (
https://global.united-imaging.com/en) компанияси – тиббий визуаллаштириш, радиотерапия ҳамда сунъий интеллект асосидаги интеллектуал рақамли ечимларни яратиш ва тиббий ускуналарни ишлаб чиқаришга ихтисослашган юқори технологияли халқаро компания ҳисобланади. Компания бутун дунё бўйлаб тиббиёт муассасалари, университетлар ва илмий-тадқиқот марказлари билан фаол ҳамкорлик қилган ҳолда, илғор тиббий технологиялардан фойдаланиш имкониятларини кенгайтиришга ҳисса қўшмоқда.
Томонлар ўзаро узоқ муддатли ҳамкорликни ривожлантириш ва Ўзбекистон Республикасидаги хусусий тиббий клиникаларни United Imaging Healthcare компаниясининг замонавий ускуналари билан лизинг инструментлари орқали молиялаштиришни таъминлашга қаратилган қўшма лойиҳаларни амалга оширишга қизиқиш билдирдилар.
United Imaging Healthcare тиббий ускуналарини харид қилиш масалалари бўйича расмий дистрибьютор – «United Team Medical» компаниясига мурожаат қилишингиз мумкин. Телефон: +998 90 188 77 52. Манзил: Тошкент шаҳри, Юнусобод тумани, Халқаро Бизнес Маркази, Амир Темур кўчаси, 107Б.
Лизинг масалалари бўйича «Uzbek Leasing International A.O.» АЖ офисларига мурожаат қилишингиз мумкин. Телефон: +998 78 120 02 02. Манзил: Тошкент шаҳри, Шайхонтоҳур тумани, Укчи кўчаси, 3-уй, “Monday” бизнес маркази, 5-қават.
