Якка тартибдаги тадбиркорларнинг лизинг хизматларидан фойдаланиш имкониятлари кенгайтирилмоқда
Ўзбекистон Республикаси Олий Мажлиси Қонунчилик палатаси мажлисида (
https://t.me/qonunchilikpalatasi/38973) якка тартибдаги тадбиркорларнинг лизинг хизматларидан фойдаланиш имкониятларини кенгайтириш ҳамда лизинг муносабатларининг ҳуқуқий асосларини такомиллаштиришга қаратилган қонун лойиҳаси кўриб чиқилди.
Қонун лойиҳаси билан лизинг объектини ҳисобга олиш тартибига ўзгартириш ва қўшимчалар киритиш назарда тутилмоқда. Унга кўра, лизинг объекти лизинг олувчининг балансида ҳисобга олинади. Бироқ лизинг олувчи якка тартибдаги тадбиркор бўлган ҳолларда, лизинг объекти лизинг берувчининг балансида ҳисобга олиниши белгиланмоқда.
Мазкур қонун лойиҳасининг қабул қилиниши якка тартибдаги тадбиркорларнинг лизинг орқали молиялаштириш имкониятларини кенгайтириш, лизинг объектларини ҳисобга олишга қўйиладиган талабларни такомиллаштириш ҳамда лизинг муносабатларида ҳуқуқий аниқликни таъминлашга хизмат қилади.
Шунингдек, ушбу ўзгартишлар тадбиркорлик субъектларининг молиявий ресурслардан фойдаланиш имкониятларини ошириш, лизинг хизматлари бозорини ривожлантириш ва кичик бизнесни қўллаб-қувватлаш механизмларини мустаҳкамлашга замин яратади.
Қонун лойиҳаси учинчи ўқишда қабул қилиниб, Сенатга юборилди.
Ўзбекистон Лизинг Уюшмаси лизинг соҳасининг қонунчилик базасини такомиллаштириш ва тадбиркорларнинг замонавий молиявий инструментлардан фойдаланиш имкониятларини кенгайтиришга қаратилган ташаббусларни қўллаб-қувватлайди.
#Лизинг #ЎзбекистонЛизингБозори #Тадбиркорлик #Қонунчилик
